Canolfannau Croeso

Mae gan y Canolfannau Croeso gynllun archebu gwely - mae’n ffordd wych o ennill busnes ar y funud olaf.  Gan fod eich eiddo chi wedi cael ei raddio gan Groeso Cymru, gallwch gymryd rhan yn y cynllun.

Yna, gallwch fanteisio ar y canlynol:

• Ymwelwyr yn archebu gwely ar y funud olaf
• Ymwelwyr yn archebu gwely o flaen llaw
• Llun a manylion eich llety yn cael ei arddangos ar banel gwybodaeth yn rhad ac am ddim
• Eich eiddo yn cael ei gynnwys ar restri llety’r Canolfannau Croeso yn rhad ac am ddim

Beth yw’r cynllun?

Mae’r cynllun hwn yn gyfle gwych i chi werthu eich ystafelloedd – ar y funud olaf – trwy’r rhwydwaith o 65 o Ganolfannau Croeso Cymru a 600 o ganolfannau eraill ar hyd a lled y DU.  I ddod o hyd i’ch Canolfan Groeso agosaf, ewch i wefan defnyddwyr Croeso Cymru (dolen allanol).

Sut mae’r cynllun yn gweithio?

Gwasanaeth archebu gwely i ymwelwyr yw’r cynllun hwn.  Mae’r Canolfannau Croeso yn archebu gwely ar y funud olaf yn ogystal ag archebu gwely o flaen llaw ar ran ymwelwyr sy’n symud o le i le ac angen gwely mewn lleoliad arall.

Yr unig beth sy’n rhaid i chi ei wneud i fanteisio ar y cynllun hwn yw sicrhau eich bod yn cadw mewn cysylltiad â’ch Canolfan Groeso leol.  Trwy ddiweddaru a hysbysu’r staff ynghylch unrhyw ystafelloedd gwag sydd gennych, bydd y staff yn gallu rhoi eich manylion i’r ymwelwyr. 

Beth yw’r gost?

Bydd y Canolfannau Croeso yn gofyn i’r ymwelwyr dalu 10% o gyfanswm y bil am wely a brecwast neu arlwy hunanddarpar ac yna bydd yn rhaid i chi dynnu’r ffigur hwn oddi ar bil terfynol yr ymwelydd.