Rhagolygon Gwariant Cyfalaf Awdurdodau Lleol, 2012-13

Mae’r ystadegau ar ragolygon gwariant cyfalaf ac ariannu gan yr awdurdodau lleol yng Nghymru yn cynnwys data ar gyfer awdurdodau’r heddlu, yr awdurdodau tân ac awdurdodau’r parciau cenedlaethol, ar gyfer 2012-13.

Dyma’r prif bwyntiau o’r datganiad diweddaraf:

• Yn 2012-13, yn ôl awdurdodau lleol Cymru, rhagwelir mai cyfanswm y gwariant cyfalaf, gan gynnwys awdurdodau’r heddlu, yr awdurdodau tân ac awdurdodau’r parciau cenedlaethol, fydd £1,213 miliwn. Mae’r ffigwr hwn yn  gynnydd o £149 miliwn neu 14% ar y flwyddyn flaenorol.
• Mae awdurdodau’r heddlu wedi cofnodi cynnydd o 48% yn y gwariant cyfalaf a ragwelir, i £58 miliwn, tra bod yr awdurdodau tân yn nodi y bydd gostyngiad o 43% i £14 miliwn.
• Gwasanaethau addysg sy’n cyfrif am 23% o gyfanswm y gwariant cyfalaf a ragwelir, gwasanaethau tai sydd am 18% a gwasanaethau ffyrdd a thrafnidiaeth am 16%.
• Mae 55% o’r cyllid ar gyfer y gwariant  hwn ar ffurf cymorth allanol, yn bennaf oddi wrth Lywodraeth Cymru mewn grantiau a benthyca â chymorth.  Daw’r 45% sy’n weddill o ffynonellau ariannu mewnol yr awdurdodau.
• Rhagwelir y bydd yr elfen o’r cyllid mewnol sy’n fenthyciadau heb eu cynnal yn gweld cynnydd o £27 miliwn, neu 10%, i £283 miliwn.

Gwybodaeth bellach

Gwefan StatsWales

Cyswllt

Llinell Ymholiadau Cyffredinol
Ffôn: 029 2082 3332
E-bost: stats.finance@wales.gsi.gov.uk

Diweddariad nesaf

Mai 2013 (dros dro - i'w gadarnhau ar y dudalen 'I'w cyhoeddi cyn hir')