Amdano'r pwnc hwn

Mae Llywodraeth Cymru yn cydnabod ac yn dathlu'r cyfraniad y mae pobl hŷn yn ei wneud fel gwirfoddolwyr, gofalwyr, arweinwyr cymunedol, gweithwyr ac yn bwysicaf oll fel unigolion sydd â chyfoeth o brofiad i'w rannu â chenedlaethau eraill. 

Mae'r Strategaeth Pobl Hŷn yn cynrychioli gweledigaeth Llywodraeth  Cymru o herio gwahaniaethu a delweddau negyddol o heneiddio, ac i ddathlu byw yn hwy fel cyfle. 

Ers 2003 , rydyn ni wedi cael nifer o lwyddiannau sydd wedi denu cydnabyddiaeth yn genedlaethol a rhyngwladol, sy'n cynnwys: 

• Creu Comisiynydd Pobl Hŷn
• Fforwm Partneriaeth Cenedlaethol ar gyfer Pobl Hŷn i gynghori gweinidogion ar broblemau heneiddio
• Strwythur cyson o gydlynwyr, hyrwyddwyr a fforymau pobl hŷn lleol ym mhob ardal awdurdod lleol 
• Cryfhau sefydliadau oedran yn y trydydd sector yng Nghymru
• Sefydlu Rhwydwaith Ymchwil a Datblygu Pobl Hŷn a Heneiddio (OPAN Cymru)
• Datblygu sylfaen dystiolaeth i ddangos bod y buddsoddi yn y Strategaeth wedi'i ad-dalu trwy ymdrechion cydweithredol yn gysylltiedig â rhaglenni gwneud y gorau o incwm a rhaglenni ataliol. 

Rydyn ni'n cydnabod, fodd bynnag, bod llawer i'w wneud eto.  Rydyn ni am barhau i fynd ar ôl ein huchelgais o wneud Cymru yn lle gwych i dyfu'n hen.  Rydyn ni am wneud hyn trwy: 

• Adolygu ail gyfnod ein Strategaeth Pobl Hŷn erbyn Ebrill 2012 
• Lansio trydydd cyfnod newydd yn 2013
• Cyflwyno Bil Gwasanaethau Cymdeithasol
• Darparu'r weledigaeth i drawsnewid a amlinellir yn Gwasanaethau Cymdeithasol Cynaliadwy - fframwaith gweithredu 

Gwenda Thomas AC yw'r Gweinidog sy'n gyfrifol am Bobl Hŷn.

David Sissling yw Cyfarwyddwr Cyffredinol Iechyd a Gwasanaethau Cymdeithasol.