Cynllun y Sector Casgliadau, Seilwaith a Marchnadoedd

Mae’r cynllun hwn yn ceisio creu dull cynaliadwy o reoli adnoddau drwy:

• sicrhau bod cyfaint uchel o wastraff glân yn cael ei wahanu yn y ffynhonnell (e.e. ar y stepen drws) ac yn cael ei gasglu a’i gludo i’r canolfannau ailbrosesu.
• datblygu marchnadoedd ar gyfer y deunydd eildro (deunydd a ailgylchwyd), o fewn Cymru cyhyd ag y bo modd.

Nod y cynllun hwn yw sicrhau bod gwerth economaidd y deunydd eildro yn aros o fewn economi Cymru.

Mae’r cynllun yn nodi’r mannau lle mae angen gwella’r dulliau o gasglu gwastraff i’w ailgylchu a’r cyfleoedd ar gyfer datblygu seilwaith. Nod y cynllun hwn yw hwyluso datblygiadau yn y seilwaith drwy ddangos yr angen am fuddsoddiadau o’r fath.