Ynni adnewyddadwy

Mae technolegau adnewyddadwy yn defnyddio ynni’r gwynt, llanw, tonnau, deunyddiau planhigion, llystyfiant neu wastraff ffermio fel tanwydd neu ffynhonnell ynni.

Mae ein polisi ynni, Ynni Cymru: Newid Carbon Isel, yn nodi’r modd y bydd Cymru yn symud o ddefnyddio ynni tanwydd ffosil i ddefnyddio cymysgedd ehangach o ffynonellau ynni, a’r rheini ar y cyfan yn rhai adnewyddadwy neu’n garbon isel.  

Pan fyddwn yn defnyddio ynni, caiff carbon deuocsid (CO2) ei ryddhau. Nwy tŷ gwydr yw CO2. Wrth i ni fynd i’r afael â newid yn yr hinsawdd, rydym eisiau lleihau’r allyriadau CO2 yng Nghymru. Am hynny, rydym yn ceisio defnyddio mwy o ffynonellau adnewyddadwy a charbon isel i gynhyrchu ein hynni.

Mae gan Gymru llawer o ffynonellau ynni naturiol. Mae Ynni Cymru yn esbonio’r modd y byddwn yn gwneud y gorau o’n ynni i:

• greu economi cynaliadwy, carbon isel i Gymru
• cefnogi ein cymunedau a’n hamgylchedd
• wynebu’r heriau a ddaw yn sgil newid yn yr hinsawdd
• sicrhau bod digon o ynni i gynnal ein ffordd o fyw (sicrwydd ynni).

Rydym am weld mwy o ynni yn cael ei gynhyrchu drwy ddefnyddio technolegau carbon isel. Bydd hyn yn ein helpu i leihau’n raddol cyfanswm y CO2 yr ydym yn ei ryddhau.

Ffynonellau ynni carbon isel eraill

Wrth i Gymru symud at ddyfodol carbon isel, bydd nwy yn danwydd pwysig. Mae’n danwydd ffosil ond mae’n rhyddhau llai o CO2 nag olew a glo. Er hynny, nid oes modd dibynnu ar nwy nes bydd technoleg gael i ddal a storio’r carbon sy’n cael ei ryddhau, gan sicrhau nad yw’n mynd i mewn i’r atmosffer.

Mae ynni niwclear hefyd yn dechnoleg carbon isel.