Archifau ar gyfer y 21ain ganrif

Gyhoeddwyd Archifau ar gyfer y 21ain ganrif yn ddau fersiwn baralel yn Lloegr a Chymru. Mae'n amlinellu’r her o flaen y sector archifau, ac yn amlygu’r cyfraniad y gall archifau ei wneud i gymunedau lleol.  

Mae’r cyhoeddiad yn dilyn ymgynghoriad eang a ddigwyddodd yn ystod haf 2009, a chafwyd atebion wrth unigolion a sefydliadau ledled Cymru a Lloegr. Mae’r ddogfen derfynol yn cynnwys nifer o awgrymiadau gan y cyfranwyr (am wybodaeth bellach, ac er mwyn gweld y ddogfen Saesneg, gweler wefan yr Archifau Cenedlaethol.) Bydd yr Archifau Cenedlaethol a CyMAL yn trafod a chytuno cynllun gwaith gyda rhanddeiliaid allweddol er mwyn gweithredu ei argymhellion.

Strategaeth Farchnata

Mae’r Strategaeth Farchnata Genedlaethol hon, ynghyd â’i Chynllun Gweithredu, yn ymateb i Archifau ar gyfer yr 21ain Ganrif. Mae’n ceisio helpu i osod gwasanaethau archifau mewn sefyllfa i wreiddu eu gwir botensial yng Nghymru ac i gyflawni’r weledigaeth ar gyfer archifau sy’n ystyried grym archifau fel a ganlyn:

• Rhoi ffurf i’r ymdeimlad a rennir o hunaniaeth y genedl, cymunedau ac unigolion
• Cynnig amgylchfyd ysgogol ar gyfer dysgu i’r unigolyn a’r teulu, ac ar gyfer dysgu gydol oes
• Canfod tystiolaeth sydd yn arddangos gonestrwydd penderfyniadau a gweithredoedd cyhoeddus a phreifat ac yn dangos sut y daethpwyd atynt.

Datblygwyd y ddwy ddogfen gyda chefnogaeth y corff partneriaeth strategol Cyngor Archifau a Chofnodion Cymru (CACC) ac maent wedi’u hariannu gan Lywodraeth Cymru. Maent wedi nodi marchnata a darparu mynediad ar-lein i gatalogau archifau fel blaenoriaeth strategol ar gyfer hybu mynediad i gwasanaethau archifau yng Nghymru.  Bydd y Strategaeth Marchnata Genedlaethol a'i Chynllun Gweithredu yn sail i waith datblygu cynudlleidfa yn y dyfodol ar gyfer y maes archifau yng Nghymru, a hynny er mwyn:

• Hybu nifer yr ymwelwyr
• Ehangu mynediad i wasanaethau ac adnoddau
• Adnabod cryfderau a gwendidau yn y ddarpariaeth farchnata ar hyn o bryd a chynorthwyo i nodi i rhaglennu gwaith ar gyfer y dyfodol