Datblygu'r gweithlu

Cynllun Datblygu'r Gweithlu ar gyfer y Gwasanaeth Ieuenctid yng Nghymru

Bydd Cynllun Datblygu'r Gweithlu ar gyfer y Gwasanaeth Ieuenctid yng Nghymru yn sicrhau bod cyfleoedd hyfforddi yn cael eu datblygu er mwyn cael gweithlu abl a gwybodus i ddiwallu anghenion pobl ifanc Cymru.

Yn fwyaf pwysig, rhaid i'r cynllun ddiwallu anghenion pobl ifanc ac ymateb i'w huchelgais. Mae'n sylweddoli bod pobl ifanc eisiau Gwasanaeth Ieuenctid:

• sy'n berthnasol iddynt hwy
• sy'n gwybod beth sy'n bwysig iddynt hwy, a'r hyn sy'n effeithio arnynt
• a fydd yn creu cyfleoedd a heriau sy'n amrywiol ac yn ddiddorol.

Argymhellion a chamau gweithredu

Bydd Cynllun Datblygu'r Gweithlu yn cynnig argymhellion a chamau gweithredu ar gyfer y meysydd canlynol:

• cofrestru gweithwyr ieuenctid
• fframwaith ar gyfer datblygu proses Datblygiad Proffesiynol Parhaus ar gyfer Gweithwyr Ieuenctid ar bob lefel o fewn y gwasanaeth
• rôl Sefydliadau Addysg Uwch wrth ddatblygu cyfleoedd hyfforddi a Datblygiad Proffesiynol Parhaus
• cymeradwyo hyfforddiant amrywiol o ansawdd uchel i weithwyr drwy'r Grwp Cynghori ar Safonau Addysg a Hyfforddiant
• archwiliad blynyddol o'r hyfforddiant a ddarperir a monitro gweithwyr cymwys yng Nghymru
• diffiniad o'r Llwybr Cydlynol a mapio gweithgarwch Datblygiad Proffesiynol Parhaus sy'n briodol i'w lefelau i ddangos sgiliau sy'n drosglwyddadwy ar draws y sector gwirfoddol a'r sector a gynhelir
• sefydlu modelau gwaith ar gyfer Grwpiau Ymarferwyr Hyfforddi Rhanbarthol