Y sector Gwyddorau Bywyd

Yn ddiweddar, mae'r sector Gwyddorau Bywyd yng Nghymru wedi tyfu dros 19%. Mae'r sector yn amrywiol, yn cael ei arwain gan waith ymchwil ac yn gweithredu ledled y byd, ac mae ei nodweddion yn newid yn gyson wrth i is-sectorau newydd ddod i'r amlwg a datblygu.

Pa ddiwydiannau sydd yn y sector Gwyddorau Bywyd?

Mae'r sector yn cynnwys:

• Busnesau fferyllol
• Busnesau biotechnoleg
• Busnesau technoleg feddygol sy'n cynnig ystod eang o weithgareddau, gan gynnwys ymchwilio, profi, gweithgynhyrchu a darparu gwasanaethau arbenigol.

Mae busnesau cryfaf y sector yng Nghymru yn cwmpasu ystod o brosesau a thechnolegau, cynhyrchion a gweithgareddau datblygu meddygol a gwyddonol sydd â gwerth ychwanegol. Ymhlith y rhain mae cynhyrchion fferyllol a biotechnoleg, dyfeisiau diagnostig a meddygol a thechnoleg amaethyddol a diwydiannol, o gwmnïau mawr, sefydledig i Fusnesau Bach a Chanolig.

Cwmnïau sy'n gweithredu yng Nghymru

Cwmnïau Angori Gwyddoniaeth

• Siemens Healthcare Diagnostics (diagnosteg) - Gwynedd
• Biomet UK (dyfeisiau meddygol) - Pen-y-bont ar Ogwr
• Norgine Ltd (cynhyrchion fferyllol) - Caerffili
• GE Healthcare (cynhyrchion fferyllol) - Caerdydd
• Penn Pharmaceuticals (cynhyrchion fferyllol) – Blaenau Gwent

Cwmnïau Gwyddorau Bywyd sy'n Bwysig i'r Rhanbarthau

• Convatec Ltd (gwella clwyfau) – Tredegar
• Convatec Ltd (gweithgynhyrchu) – Glannau Dyfrdwy
• Nice-Pak (biotechnoleg) – Y Fflint
• BTG (cynhyrchion fferyllol) – Ceredigion

Er mai ychydig o gwmnïau sydd â'u pencadlysoedd Ymchwil a Datblygu yng Nghymru, mae nifer fawr ohonynt yn cynnal gweithgareddau datblygu gwyddonol yn lleol gan fanteisio ar y cysylltiadau cryf rhwng sefydliadau academaidd, y diwydiant, clinigwyr a'r llywodraeth.

Pa gymorth sydd ar gael?

Rydym yn cynnig llawer o gymorth i’r sector. Am ragor o wybodaeth ewch i’n gwefan: busnes.cymru.gov.uk (Dolen allanol)