Themâu ABCh

Mae’r themâu a nodir yn y fframwaith fel a ganlyn:

• Dinasyddiaeth weithgar
• Iechyd a lles emosiynol
• Datblygiad moesol ac ysbrydol
• Paratoi ar gyfer dysgu gydol oes
• Datblygu cynaliadwy a dinasyddiaeth fyd-eang.

Mae’n bwysig cydnabod nad yw’r themâu hyn yn feysydd datblygu sydd ar wahân i’w gilydd, ond eu bod yn hytrach yn themâu y ceir cyswllt anorfod rhyngddynt.

Caiff y deilliannau dysgu’r cyfnodau allweddol ar gyfer pob thema eu cyflwyno dan y pennawd ‘Ystod’. Yn yr adran ‘Ystod’, ceir manylion am yr agweddau a’r gwerthoedd, yr wybodaeth a’r ddealltwriaeth y dylid eu defnyddio fel cyd-destunau dysgu i ddatblygu sgiliau cysylltiedig ag ABCh.