Llywodraeth Cymru | Y Gweinidog Treftadaeth yn datblygu strategaeth iaith newydd

Hafan > Newyddion > Y Gymraeg > 2009 > Y Gweinidog Treftadaeth yn datblygu strategaeth iaith newydd

Cofrestrwch ar gyfer y canlynol: Cylchlythyr | Newyddion

Y Gweinidog Treftadaeth yn datblygu strategaeth iaith newydd

Mewn araith yn Nghaerdydd heddiw [13 Hydref], fe fydd y Gweinidog Treftadaeth Alun Ffred Jones yn cychwyn trafodaeth er mwyn datblygu strategaeth iaith newydd.

Dydd Mawrth 13 Hydref 2009

Wrth annerch aelodau Mudiadau Dathlu’r Gymraeg yn eu cynhadledd yn Nghanolfan y Mileniwm, bydd y Gweinidog yn gofyn am gymorth aelodau’r mudiad wrth lunio strategaeth iaith newydd, a fydd yn olynu Iaith Pawb.

Meddai’r Gweinidog:

“Roedd Iaith Pawb yn gam pwysig yn hanes y Gymraeg – y strategaeth genedlaethol gyntaf ar y Gymraeg gan unrhyw lywodraeth. Ond bellach, chwe blynedd a mwy ers ei lansio, mae’r tirlun wedi newid yn sylweddol o ran y Gymraeg.

“Ar y funud rydyn ni’n ceisio am y pŵer i ddeddfu dros y Gymraeg yn y Cynulliad – ond, er mor bwysig yw hynny, dim ond un darn o’r jig-so yw deddfwriaeth.

“Mae’n amserol felly ein bod yn edrych eto ar yr hyn sydd angen ei wneud er mwyn hybu a hyrwyddo’r defnydd o’r Gymraeg. Hoffwn estyn gwahoddiad i bawb i ddweud eu dweud ynghylch elfennau eraill sy’n bwysig o ran polisi iaith er mwyn bwydo mewn i’r broses o ddatblygu’r strategaeth newydd.

“Rydw i hefyd yn awyddus i ledaenu’r drafodaeth yma ymhellach, ac felly yr wythnos hon, bydd llythyr ynghyd â chyfres o gwestiynau yn cael ei anfon at nifer o gyrff a mudiadau eraill yng Nghymru yn gofyn am syniadau.”

Bydd yr ymgynghoriad yn cyffwrdd ar ystod eang o faterion gan gynnwys;