Gŵyl Fwyd y Fenni yn dychwelyd am flwyddyn arall

Mae’r ŵyl flynyddol hon, sy’n cael £52,200 o gyllid gan Lywodraeth Cymru, wedi’i disgrifio fel pinacl y gwyliau bwyd, a bydd miloedd yn heidio i’r Fenni i gael blas ar yr arlwy.

Ym mhlith yr uchafbwyntiau eleni, bydd dosbarthiadau meistr gan y cogydd o Gymro, Bryn Williams, sy’n cadw bwyty Odette’s yn Primrose Hill, Llundain; Angela Hartnett o Murano a James Sommerin o fwyty’r Crown ym mhentref Whitebrook a’r Crown yn y Celtic Manor, yn ogystal â chogyddion eraill o bedwar ban byd.

Gall ymwelwyr ddilyn trywydd Cymru: y Gwir Flas i gael hyd i’r cynnyrch lleol sydd wedi ennill gwobrau rhagoriaeth Llywodraeth Cymru. Bydd 32 o gwmnïau Cymru: y Gwir Flas yn arddangos yn y Fenni eleni.

Mewn digwyddiad arbennig arall yn yr ŵyl, caiff bwydgarwyr hel eu boliau â danteithion tai bwyta o bob rhan o Gymru.

Bydd yno Academi Fwyd i Blant hefyd; sesiynau blasu â thiwtoriaid; trafodaethau ynghylch pynciau amrywiol, fel diet a maetheg, hela tryffls a thyfu eich bwyd eich hunan; a theithiau cerdded ar themâu gastronomaidd. I ychwanegu at yr hwyl, bydd perfformwyr stryd, adloniant ger y castell a cherddoriaeth fyw i bawb ei fwynhau.

Rhannu

Delicious

Digg

reddit

Facebook

Gwefannau

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan