Llywodraeth Cymru | Gweinidog yn croesawu adnodd gwybodaeth newydd

Hafan > Newyddion > Cyfiawnder cymdeithasol > 2011 > Gweinidog yn croesawu adnodd gwybodaeth newydd

Cofrestrwch ar gyfer y canlynol: Cylchlythyr | Newyddion

Gweinidog yn croesawu adnodd gwybodaeth newydd

Gwnaeth y Gweinidog Cyfiawnder Cymdeithasol Carl Sargeant heddiw groesawu adnodd newydd sy’n tynnu gwybodaeth am drais yn erbyn menywod a gwasanaethau cam-drin domestig yng Nghymru at ei gilydd.

Dydd Iau 31 Mawrth 2011

Meddai Carl Sargeant,

“Pan lansiais i’r strategaeth ‘Hawl i fod yn Saff’ llynedd, dywedais bod datblygu gwybodaeth gynhwysfawr am wasanaethau cam-drin domestig yn dasg allweddol.

“Rwy’n falch o ddweud bod hyn wedi’i wneud a bod ein gwefan nawr yn cynnwys gwybodaeth gynhwysfawr am wasanaethau sydd ar gael yn genedlaethol ac yn lleol fydd yn gallu helpu dioddefwyr a’r rhai sy’n gweithio i fynd i’r afael â’r trais ofnadwy hyn. Mae hefyd yn darparu gwybodaeth ar gyfer troseddwyr sy’n ceisio cymorth i wella eu hymddygiad tramgwyddus.

“Mae cam-drin domestig yn difetha miloedd o fywydau ac mae’n bwysig ein bod ni’n gwneud popeth gallwn ni wneud i fynd i’r afael â’r trais erchyll hwn. Mae Llywodraeth Cynulliad Cymru’n parhau i fuddsoddi symiau sylweddol i fynd i’r afael â’r broblem hwn, gyda chyfanswm gwariant cyllideb eleni yn £4 miliwn.

“Er hynny, mae’n bwysig bod dioddefwyr a gweithwyr cefnogi yn gwybod pa wasanaethau sydd ar gael ar draws Cymru. Rwy’n siŵr y bydd rhoi’r wybodaeth hon ar gael yn rhwydd yn gwneud gwahaniaeth go iawn.”