Penodi cadeirydd newydd i’r Fforwm Partneriaeth Cenedlaethol ar gyfer Pobl Hŷn

Sefydlwyd y grŵp yn 2004 gan Lywodraeth Cynulliad Cymru i ddarparu cyngor annibynnol arbenigol i lywio polisïau er mwyn gwella bywydau pobl hŷn Cymru ac i gynllunio ar gyfer y goblygiadau a ddaw yn sgil byw mewn cymdeithas sy’n mynd yn hŷn.

Wendy Bourton OBE, prif weithredwr Gofal a Thrwsio Cymru, fydd yn cymryd lle Dr Malcolm Fisk sydd wedi cwblhau ei gyfnod o bedair blynedd fel cadeirydd.

Dywedodd Gwenda Thomas:

Hoffwn dalu teyrnged i Dr Fisk am ei waith caled a’i ymrwymiad fel cadeirydd yn cynorthwyo gyda’r gwaith o gyflawni ein Strategaeth ar gyfer Pobl Hŷn.

Gwelir Cymru fel arweinydd ar faterion sy’n ymwneud â phobl hŷn ac rwy’n awyddus i’r enw da hwn barhau.  Mae Cymru, fel gweddill y DU, yn mynd yn hŷn ac mae hyn yn achos i ddathlu.  Ond wrth inni heneiddio, mae ein hanghenion yn newid hefyd ac felly mae hi’n bwysig ein bod yn cynllunio’n effeithiol er mwyn diwallu’r anghenion hynny yn y dyfodol.

Mae gan y Fforwm rôl bwysig i’w chwarae yn rhoi ail ran o Strategaeth Pobl Hyn Llywodraeth y Cynulliad ar waith a bydd yn helpu i sicrhau bod ein polisïau’n diwallu anghenion pobl hŷn hefyd.

Rwy’n falch iawn bod Wendy wedi derbyn fy ngwahoddiad i fod yn gadeirydd newydd ar y Fforwm Partneriaeth Cenedlaethol.  Yn flaenorol, cynrychiolydd y Sector Tai ar y Fforwm Partneriaeth Cenedlaethol oedd Wendy ac felly mae hi’n gyfarwydd iawn â’r agenda ar heneiddio a hefyd mae ganddi’r cymysgedd cywir o sgiliau arwain a rhinweddau personol a fydd yn ei chynorthwyo i lwyddo yn ei rôl newydd.

Ychwanegodd Wendy Bourton OBE:

Rwy’n croesawu’r cyfle hwn i gyfrannu at waith y Fforwm Partneriaeth Cenedlaethol a chydweithio gyda’r aelodau a Llywodraeth Cynulliad Cymru.

Disgwylir cyhoeddiad pellach ynghylch penodiadau newydd i’r Fforwm Partneriaeth Cenedlaethol cyn hir.

26 Ionawr 2009

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan