Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Adeilad Tŷ George Lansbury, a adeiladwyd gan Melin Homes, yw'r cynllun Gofal Ychwanegol cyntaf i'w adeiladu yn Nhorfaen yn dilyn buddsoddiad o £3.4m gan Lywodraeth y Cynulliad.
Mae'r cyfleusterau Gofal Ychwanegol yn cynnwys fflatiau unigol sy'n galluogi'r henoed i fyw'n annibynnol mewn llety hunangynhwysol, tra'n derbyn gofal a chymorth priodol ar yr un pryd.
Meddai Ms Davies:
Mae Llywodraeth y Cynulliad yn croesawu pob datblygiad sy'n galluogi pobl hŷn i osgoi dibynnu ar ofal preswyl neu ofal hirdymor.
Rwy'n falch dros ben y bydd y cynllun hwn yn galluogi'r trigolion i fyw'n annibynnol, gan wybod bod cymorth ar gael os bydd ei angen arnynt.
Rwy'n falch bod Llywodraeth y Cynulliad wedi llwyddo i gyfrannu £3.4 miliwn drwy raglen y Grant Tai Cymdeithasol i gynorthwyo Melin Homes i dalu am adeiladu'r cynllun newydd hwn.
Dywedodd Ms Davies fod datblygiadau o'r fath yn cyd-fynd â nodau Llywodraeth y Cynulliad yn y Strategaeth ar gyfer Pobl Hŷn i wella iechyd, lles emosiynol, urddas a'r parch i bobl hŷn.
Aeth Ms Davies ymlaen:
Yn ddiweddar, cytunais i waith ddechrau i ddatblygu Strategaeth Dai Genedlaethol ar gyfer Pobl Hŷn. Bydd hyn yn mynd i'r afael â'r ystod gyfan o broblemau tai sy'n effeithio ar bobl hŷn, gan gynnwys newid demograffeg a'r angen i gryfhau'r cysylltiadau rhwng tai, iechyd a gofal cymdeithasol. Mae disgwyl i'r gwaith hwn gael ei gwblhau yr haf nesaf a chaiff ei ddefnyddio i lywio'n polisïau yn y dyfodol.
Meddai Gwenda Thomas, y Dirprwy Weinidog dros Wasanaethau Cymdeithasol:
Mae'r ffaith ein bod yn byw yn hwy ac yn fwy iach yn destun dathlu. Dyna pam mae Llywodraeth Cynulliad Cymru wedi ymrwymo i wella bywydau pobl hŷn drwy sicrhau bod y genhedlaeth hŷn yn byw'n annibynnol cyhyd ag y maent yn dewis gwneud hynny.
Wrth i gynlluniau fel Tŷ George Lansbury gael ei datblygu ledled Cymru, byddwn yn gweld mwy o bobl yn byw dros 80 a 90 oed lle maent am fyw ac yn haeddu byw ynddynt. Bydd hyn yn eu galluogi i barhau i gyfrannu i'w cymunedau.
3 Hydref 2008
