Cyhoeddi cymorth ariannol Buddsoddi i Arbed gwerth £11m i sicrhau gwasanaethau cyhoeddus effeithiol ac arloesol

Dywedodd Jane Hutt:

"Mae Llywodraeth Cymru eisoes wedi rhoi £52m o’r gronfa Buddsoddi i Arbed i dros 50 o brosiectau gyda’r nod o wella gwasanaethau. Heddiw, dw i wedi agor y gronfa ar gyfer cylch ceisiadau newydd a bydd £11m arall ar gael i brosiectau sy’n ymgeisio yn 2012-13.

"Mae’r cyllid o’r gronfa Buddsoddi i Arbed yn helpu sefydliadau gwasanaethau cyhoeddus i greu ffyrdd mwy effeithlon ac arloesol o ddarparu gwasanaethau. Yn ddiweddar, ymwelais â Gorsaf Wybodaeth Casnewydd yn Un sy’n enghraifft wych o sut y gellir gwella gwasanaethau cyhoeddus. Mae’n ffrwyth cydweithio rhwng sefydliadau i rannu adnoddau, offer a swyddfa, gan gynllunio gwasanaethau i ddiwallu anghenion pobl yn y gymuned leol yn hytrach nag anghenion strwythurau sefydliadol."

Dywedodd Jane Hutt:

"Bydd y cyllid diweddaraf yn cael ei roi i brosiectau lle mae sefydliadau’n cydweithio, o fewn sectorau a rhyngddynt. O wneud hynny, gallwn fwrw ymlaen â’r agenda effeithlonrwydd ac arloesi trwy gefnogi prosiectau arloesol sy’n trawsnewid ein ffordd o ddarparu gwasanaethau.  

"Trwy gynnig gwasanaethau cydgysylltiedig, byddwn yn sicrhau bod gwasanaethau effeithlon o ansawdd da ar gael i bawb a bod y cyllid cyfyngedig sydd ar gael yn cael ei ddefnyddio yn y modd mwyaf effeithiol."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan