Y Gweinidog yn fawr ei groeso i adroddiad ar chwalu’r rhwystrau i fusnesau

Cafodd yr adroddiad ei gomisiynu gan Andrew Davies, y Gweinidog Cyllid a Chyflenwi Gwasanaethau Cyhoeddus trwy’r Tasglu Caffael Busnes y mae’n ei gadeirio.  Cafodd yr adroddiad ei lunio ar y cyd gan Brifysgol Morgannwg a Tenderwise (Prifysgol Bangor a Choleg Prifysgol y Drindod, Caerfyrddin).

Prif sylw’r ymchwil oedd y cyswllt cyntaf rhwng busnesau a phrynwyr y sector cyhoeddus, sef y broses rag-gymhwyso a defnyddio “rhestrau cymeradwy”.  Dangosodd yr ymchwil fod prynwyr yn gofyn i gyflenwyr am yr un wybodaeth o hyd ac o hyd cyn bod unrhyw gontract yn cael ei arwyddo.  Yr unig beth sy’n gallu bod ychydig bach yn wahanol yw’r fformat.

Y prif argymhelliad yw y dylai’r prosesau hyn gael eu safoni ac y dylai cronfa ddata o’r brif wybodaeth graidd am bob cyflenwr gael ei chadw a bod y prynwr yn ei defnyddio fel rhan o’r broses rag-gymhwyso.  

Meddai Andrew Davies:

"Rwy’n fawr fy nghroeso i’r adroddiad hwn gan Brifysgol Morgannwg a Tenderwise ar y rhwystrau i fusnesau.  Bydd y darganfyddiadau’n gyfraniad pwysig i daclo’r problemau hyn er bod fy adran Gwerth Cymru eisoes yn mynd i’r afael â llawer agwedd ar y gwaith.  Byddaf yn ystyried pob argymhelliad ac yn cyhoeddi fy ymateb maes o law.

“Mae’r argymhellion yn berthnasol i’r sector cyhoeddus gyfan yng Nghymru.  Ein rôl ni yn Llywodraeth y Cynulliad yw sbarduno’r newidiadau ond bydd yn rhaid inni gydweithio’n glos â chynghorau lleol a phartneriaid eraill i gytuno ar gynllun gweithredu i fynd â’r gwaith yn ei flaen.”

27 Mai 2009

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan