Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Mae adroddiad newydd gan ymchwilwyr y sefydliad yn dweud y bydd teuluoedd sydd ar incwm isel yng Nghymru ac sy’n derbyn cymorth gyda’u biliau treth gyngor yn colli £74 y flwyddyn ar gyfartaledd wrth i doriadau yn arian Llywodraeth y DU gael eu pasio ymlaen gan Lywodraeth Cymru i’r rai sy’n hawlio’r budd-dal.
Dywedodd Carl Sargeant:
"Mae’r adroddiad yma yn nodi’r heriau sy’n wynebu Llywodraeth Cymru wrth sefydlu system erbyn Ebrill 2013 i ddod yn lle’r budd-daliadau treth gyngor. Mae’n cadarnhau’r hyn yr ydym wedi bod yn ei ddweud erioed wrth Lywodraeth y DU am ein pryderon dwfn ynglŷn â’r effaith y bydd y toriadau i fudd-dal treth gyngor yn ei chael ar rai o aelodau mwyaf bregus ein cymdeithas. Yn gynharach yr wythnos yma, fe fynegais y pryderon hyn eto wrth Iain Duncan Smith, yr Ysgrifennydd Gwladol dros Waith a Phensiynau.
"Mae budd-dal treth gyngor yn fudd-dal cyffredin, gyda’r rhai sy’n ei hawlio yn byw ar ffin tlodi - pensiynwyr, rheini sengl a phobl mewn gwaith ar gyflogau isel. Mae’r teuluoedd yma eisoes yn ei chael yn anodd oherwydd effeithiau’r broses ehangach o ddiwygio’r gyfundrefn les. Dim ond un ergyd arall fydd y gostyngiad yn y cymorth y maent yn ei dderbyn tuag at eu treth gyngor.
"Nid yw Llywodraeth y DU wedi cadarnhau eto faint o gyllid y bydd yn ei throsglwyddo i Gymru ar gyfer budd-dal treth gyngor. Nid yw’r Ysgrifennydd Gwladol dros Waith a Phensiynau wedi dweud a fydd Llywodraeth y DU yn ariannu costau sefydlu system newydd, a gallai hynny fod yn rhai miliynau o bunnau, ac maent wedi bod yn llusgo eu traed wrth sefydlu’r trefniadau angenrheidiol ar gyfer cael gafael ar y data er mwyn gweinyddu cynllun.
"Yn dilyn ymgynghoriad a ddaeth i ben ym mis Ebrill, mae Llywodraeth Cymru yn ystyried opsiynau ar gyfer y cynllun, a bydd yn talu sylw i ganfyddiadau adroddiad yr IFS.
"O ystyried y diffyg yn yr arian, yn ogystal â’r diffyg manylion mewn cyn lleied o amser, rydym yn llwyr sylweddoli bod heriau’n ymwneud â chreu cynllun o’r fath, a bydd angen inni ystyried trefniadau ar gyfer gwneud hynny yn y tymor byr ac yn y tymor hir."
