Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Wrth siarad â Fforwm yr Undebau Credyd yn Wrecsam, dywedodd y Gweinidog bod Llywodraeth Cymru yn helpu undebau credyd i hybu eu gwasanaethau’n ehangach fel bod pobl yn ymwybodol bod dulliau amgen ar gael sy’n fwy fforddiadwy na benthyg arian ar log uchel.
Dywedodd y Gweinidog fod yr ymgyrch hysbysebion teledu diweddar a gomisiynwyd gan undebau credyd Cymru gyda chefnogaeth Llywodraeth Cymru wedi codi ymwybyddiaeth o’r mater yn newyddion da.
Dywedodd Carl Sargeant:
"Mae hysbysebion cwmnïau benthyciadau diwrnod cyflog yn ddidrugaredd. Maent yn ceisio elwa ar bobl sydd ar incwm isel, teuluoedd sy’n ymdrechu i gadw dau ben llinyn ynghyd a phobl sy’n cael eu gwrthod gan fanciau’r stryd fawr.
"Bydd ymgyrch hysbysebu gan Undeb Credyd Cymru yn cael ei darlledu rhwng rhaglenni teledu oriau brig poblogaidd fel The Jeremy Kyle Show a Loose Women yr un pryd â hysbysebion gan gwmnïau benthyciadau diwrnod cyflog. Y gobaith yw ceisio cyrraedd pobl sydd o bosibl yn ddi-waith ac sydd ddim mewn sefyllfa i allu ad-dalu cyfraddau llog uchel.
"Rwy’n gobeithio y bydd yr ymgyrch yn helpu i godi proffil Undebau Credyd Cymru ac yn helpu i weld diwedd ar gwmnïau yn cymryd mantais ar bobl sydd angen cymorth ariannol. Yn lle ateb y broblem, mae’r cwmnïau hyn yn rhoi pobl dros eu pennau mewn dyled.
"Ers mis Ebrill 2009, mae Undebau Credyd Cymru wedi helpu dros 9,000 o bobl drwy gynnig gwybodaeth, cymorth a gwasanaethau ariannol sy’n fwy fforddiadwy na benthyciwr stepen y drws. Ar ôl yr ymgyrch, rwy’n gobeithio y bydd mwy o bobl yn manteisio ar wasanaethau’r undebau credyd.
Ychwanegodd y Gweinidog fod Llywodraeth Cymru yn canolbwyntio ar ddarparu Cynllun Gweithredu Undebau Credyd er mwyn eu helpu i oroesi ac i fod yn fwy cynaliadwy. Byddant yn gwneud hyn trwy wella’r dulliau llywodraethu a’r trefniadau ar gyfer cynllunio busnes a gwella’r hyfforddiant sydd ar gael i gyfarwyddwyr, staff a gwirfoddolwyr.
Dywedodd:
"Gyda’r cynllun hwn a'r cyllid sydd ar gael trwy’r prosiect Mynediad at Wasanaethau Ariannol trwy Undebau Credyd, byddwn yn gallu gwneud cyfraniad sylweddol tuag at sicrhau bod Undebau Credyd Cymru yn sefydliadau dilys a chynaliadwy ar gyfer y dyfodol."
