Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (3)
Ychwanegwyd yn ddiweddar (10)
Mae’r rheoliadau hyn yn rhan o gyfres o fesurau. Cafodd yr olaf o’r rhain, y Rheoliadau Arddangos Prisiau, eu cymeradwyo gan Gynulliad Cenedlaethol Cymru. Dywedodd Lesley Griffiths, y Gweinidog Iechyd, y byddai’r rheoliadau’n helpu i amddiffyn plant a phobl ifanc rhag y niwed sy’n cael ei achosi gan smygu.
Mae rheoliadau Arddangos Prisiau heddiw yn nodi sut y gall siopau arddangos prisiau nwyddau tybaco heb hysbysebu’r nwyddau eu hunain. Bydd siopwyr yn gallu arddangos un rhestr brisiau yn y man gwerthu ond bydd rhestr brisiau arall hefyd ar gael i’w dangos i gwsmeriaid. Bydd modd gweld y rhestr hon yn unig ar gais y cwmser pan fydd yn holi am ragor o fanylion a gwybodaeth am y nwyddau tybaco sydd ar gael.
Dywedodd Lesley Griffiths:
"Smygu yw’r achos mwyaf o salwch, anabledd a marwolaeth gynamserol yng Nghymru y mae modd ei atal, ac mae’n gyfrifol am fwy na 5,600 o farwolaethau bob blwyddyn.
"Yn ôl tystiolaeth gall arddangos nwyddau tybaco mewn siopau annog pobl ifanc i smygu a thanseilio penderfyniad oedolion sy’n smygwyr ac yn ceisio rhoi’r gorau iddi.
"Mae’r rheoliadau sy’n cael eu pasio heddiw yn rhan o becyn ehangach o fesurau sydd wedi’u hanelu at gael gwared ar arddangos a hyrwyddo nwyddau tybaco o’r siopau.
"Ein nod ni yw lleihau cyfraddau smygu ymysg oedolion i 16% erbyn 2020. Mae Cynllun Gweithredu Cymru ar Reoli Tybaco yn cynnwys mesurau penodol i rwystro pobl rhag dechrau smygu ac annog smygwyr i roi’r gorau iddi. Mae’r rhain yn cynnwys ystod o raglenni addysgol a chefnogol fel y rhaglen o gefnogaeth gan gymheiriaid ar gyfer pobl ifanc, Assist, a’r rhaglen rhoi’r gorau i smygu, Dim Smygu Cymru."
Bydd canllawiau ar gael gwared ar arddangos a hybu tybaco yn y man gwerthu yn cael eu rhoi i Swyddogion Gorfodi Lleol a busnesau cyn i’r rheoliadau ddod i rym. Bydd Llywodraeth Cymru hefyd yn cynnal ymgyrch wybodaeth i’r cyhoedd ym mis Tachwedd er mwyn sicrhau bod pobl yn ymwybodol o sut y bydd y trefniadau newydd yn gweithio.
Mae siopau tybaco arbenigol wedi’u heithrio rhag y rheoliadau arddangos tybaco y tu mewn i’w siopau, ond rhaid iddynt wneud yn siŵr nad oes modd gweld nwyddau tybaco’n cael eu harddangos o’r tu allan drwy unrhyw ffenestri.
