Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Roedd Bywydau Bodlon, Cymunedau Cefnogol, a gyhoeddwyd gan Lywodraeth y Cynulliad, yn disgrifio sut bydd y gwasanaethau cymdeithasol yn datblygu dros y 10 mlynedd nesaf, er mwyn gallu ymateb yn fwy effeithiol i anghenion pobl.
Bydd gwasanaethau cymdeithasol Cymru yn parhau i ddarparu gofal i blant ac oedolion a chynnig cymorth a chefnogaeth i deuluoedd er mwyn sicrhau bod y bobl fwyaf agored i niwed mewn cymdeithas yn cael eu hamddiffyn. Mae arweinyddiaeth gadarn ar gyfer y gwasanaethau hyn yn hollbwysig, ac i’r perwyl hwnnw cyhoeddodd y Dirprwy Weinidog y cynhelir ymgynghoriad ar y canllawiau statudol drafft ar Swyddogaethau ac Atebolrwydd Cyfarwyddwyr y Gwasanaethau Cymdeithasol.
Bydd yr ymgynghoriad yn parhau am 12 wythnos, gan ddod i ben ar 2 Mawrth 2009.
Dywedodd Gwenda Thomas:
Mae’r ddogfen ymgynghori hon yn tanlinellu ymrwymiad Llywodraeth y Cynulliad i’r gwasanaethau cymdeithasol a’r pwysigrwydd y mae’n ei roi iddynt. Mae’n adeiladu ar y canllawiau sydd eisoes yn bodoli, ac yn egluro’r trefniadau gwaith rhwng y Cyfarwyddwr a’r swyddogion eraill sydd â chyfrifoldebau dros y gwasanaethau plant ac oedolion.
Mae llawer iawn wedi’i wneud dros y blynyddoedd diwethaf i ddatblygu’r gwasanaethau fel eu bod yn gallu parhau i gynnig y cymorth a’r gefnogaeth angenrheidiol i bobl, gan gydweithio’n agos â rhannau eraill o’r sector cyhoeddus.
Mae staff y gwasanaethau cymdeithasol yn gwneud swyddi anodd ond boddhaus dros ben, gan weithio gyda rhai o’r teuluoedd mwyaf agored i niwed a heriol mewn cymdeithas.
Yma yng Nghymru byddwn yn parhau i ganolbwyntio ar sicrhau gwasanaethau cymdeithasol integredig i blant, teuluoedd ac oedolion. Ein nod yw adeiladu ar, a chryfhau, y trefniadau cyfredol. Credwn y bydd hyn yn galluogi’r staff i roi cymorth, i ofalu ac i amddiffyn yn y ffordd orau bosibl. Nid oes gennym unrhyw fwriad i gyflwyno trefniadau gwahanol yng Nghymru.
Gall y gwasanaethau cymdeithasol gael effaith ar bob un ohonom, neu ein teuluoedd, ar ryw adeg yn ein bywydau, felly byddwn yn annog pawb i ddarllen y ddogfen hon a dweud eu dweud.
5 Rhagfyr 2008
