Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (5)
Ychwanegwyd yn ddiweddar (10)
Wrth gyhoeddi ei hymddeoliad, dywedodd y Fonesig Gillian Morgan:
"Nid ar chwarae bach y gwnes i’r penderfyniad i ymddeol o’m swydd fel yr Ysgrifennydd Parhaol. Does dim byd yn bwysicach i mi na dyfodol hirdymor Cymru a’r bobl sy’n byw yma.
"Mae wedi bod yn anrhydedd o’r mwyaf i mi arwain sefydliadu sydd wedi ymrwymo i gefnogi Gweinidogion i wella bywydau pobl Cymru.
"Dw i’n hynod falch o’r hyn rydym wedi llwyddo i’w gyflawni yn ystod y pum mlynedd ddiwethaf, yn arbennig mewn amgylchedd ariannol ac economaidd heriol iawn. Drwy ddangos doethineb, rydym wedi gwella effeithlonrwydd ar draws y sefydliad, ac ar yr un pryd wedi llwyddo i leihau ein costau rhedeg yn sylweddol.
"Yn ystod y ddwy flynedd ar hugain ddiwethaf dw i wedi bod yn gysylltiedig â rheoli nifer o sefydliadau ar lefel Bwrdd neu Brif Weithredwr ond gallaf ddweud, o ddifrif calon, fod arwain Gwasanaeth Sifil Llywodraeth Cymru wedi bod yn un o gyfnodau mwyaf boddhaus a chyffrous fy ngyrfa."
Wrth sôn am gyhoeddiad yr Ysgrifennydd Parhaol, dywedodd Carwyn Jones y Prif Weinidog:
"Ga i ddiolch i Gill am ei hymrwymiad yn ystod ei chyfnod fel yr Ysgrifennydd Parhaol.
"Nid yw delio â heriau ariannol y blynyddoedd diwethaf wedi bod yn hawdd, i’r Gweinidogion nac i’r Gwasanaeth Sifil ei hun. Ac mae Gill wedi arwain trwy gyfnod sydd wedi gweld maint y sefydliad yn lleihau’n sylweddol, gan barhau i ganolbwyntio ar yr hyn rydym yn ceisio ei wneud trwy’r Rhaglen Lywodraethu.
"Dw i’n gwybod y bydd fy nghyd-aelodau o’r Cabinet a phawb sy’n gweithio yma yn ymuno â mi i ddiolch iddi am bopeth y mae wedi’i wneud.
"Mae’n hollbwysig bod y Gwasanaeth Sifil yn cael ei arwain yn effeithiol er mwyn i’r Gweinidogion gael y gefnogaeth sydd ei hangen i wneud yr hyn y maen nhw wedi’u hethol i’w wneud. Bydd yn rhaid i bwy bynnag sy’n camu i esgidiau Gill feddu ar y sgiliau a’r profiad i wneud un o’r swyddi mwyaf yng Nghymru."
