Gweinidog yn lansio Fframwaith ar gyfer Sipsiwn a Theithwyr

Nod "Teithio at ddyfodol gwell" a'i Gynllun Gweithredu yw sicrhau cyfle cyfartal i Sipsiwn a Theithwyr yng Nghymru trwy bennu dulliau ymarferol i Lywodraeth Cymru eu defnyddio i gyflawni'r nod hwnnw.

Dywedodd y Gweinidog Cyllid ac Arweinydd y T?, Jane Hutt:

"Mae Cymru erioed wedi ymfalchïo yn ei chymdeithas amrywiol gyda'i chyfoeth o ddiwylliannau a thraddodiadau. Mae diwylliant a threftadaeth y Sipsiwn a'r Teithwyr yn rhan o'r amrywiaeth honno.

"Mae'n hollbwysig inni allu cydfyw mewn cymunedau cryf ac unedig a hefyd ein bod yn gweithio gyda'n gilydd i sicrhau manteision economaidd a manteision i Gymru o fod yn wlad amrywiol sy'n parchu gwahaniaeth.

"Mae'n bleser gennyf lansio Teithio at ddyfodol gwell yma heddiw, a dw i'n gobeithio y bydd y newidiadau a ddaw yn sgil y ddogfen hon yn gwneud gwahaniaeth gwirioneddol i fywydau pobl."

Diben y Fframwaith yw datblygu cyfeiriad sy'n seiliedig ar wybodaeth ar gyfer  llunio polisïau a mentrau ar draws adrannau Llywodraeth Cymru ac awdurdodau lleol er mwyn rhoi sylw i'r anghydraddoldebau y mae Sipsiwn a Theithwyr yn eu hwynebu yng Nghymru.

Mae'r ddogfen yn disgrifio sut y bydd Llywodraeth Cymru yn creu cyfle teg a chyfartal i gymunedau Sipsiwn a Theithwyr allu elwa ar flaenoriaethau allweddol, fel rhywle i fyw, iechyd ac addysg.

Dywedodd Ms Hutt:

"Mae'n hynod o bwysig inni sicrhau cydraddoldeb a gwella ansawdd bywyd i bob un ohonom yng Nghymru a dylen nhw gael yr un cyfleoedd â phawb arall."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan