Llywodraeth Cymru | Eithriad Dros Dro o’r Safonau Trawsgydymffurfio ar Bridd Dwrlawn yng Nghymru

Hafan > Newyddion > Yr amgylchedd a chefn gwlad > 2012 > Eithriad Dros Dro o’r Safonau Trawsgydymffurfio ar Bridd Dwrlawn yng Nghymru

Newyddion

Cofrestrwch ar gyfer y canlynol: Cylchlythyr | Newyddion

Eithriad Dros Dro o’r Safonau Trawsgydymffurfio ar Bridd Dwrlawn yng Nghymru

Mae’r Dirprwy Weinidog Amaethyddiaeth, Bwyd, Pysgodfeydd a Rhaglenni Ewropeaidd wedi cyhoeddi eithriad dros dro o’r safon trawsgydymffurfio sy’n cyfyngu ar ddefnyddio offer mecanyddol a cherbydau ar bridd dwrlawn (safon Cyflwr Amaethyddol Ac Amgylcheddol Da A3).

Dydd Gwener 20 Gorffennaf 2012

Mae hyn ar gyfer ffermwyr sydd angen cynaeafu eu silwair, ydau a llysiau yng Nghymru.

Mae gan Lywodraeth Cymru y pŵer i ganiatáu eithriad o’r gofyniad mewn cyfnodau o dywydd eithriadol, ac mae eithriad mewn grym tan 12 Awst 2012.

Mae’r safon Cyflwr Amaethyddol Ac Amgylcheddol Da A3 yn gwahardd ffermwyr rhag gwneud gwaith mecanyddol a defnyddio cerbydau ar bridd dwrlawn. Bwriad y gofyniad trawsgydymffurfio yw atal pridd dwrlawn rhag cael ei gywasgu a’i ddifrodi ac felly osgoi gwaethygu problemau draenio a dŵr ffo pan fydd y pridd yn sychu.

Dylai ffermwyr fynd ar dir dwrlawn cyn lleied â phosibl a chofnodi unrhyw ddifrod i bridd yn sgil cynaeafu o dan yr eithriad dros dro, a’r camau unioni a gymerwyd yn eu llyfryn Cofnodion Asesu Pridd Trawsgydymffurfio.

Dywedodd y Dirprwy Weinidog Alun Davies:

“Mae’r glaw trwm diweddar wedi effeithio’n wael ar fusnesau yn ogystal ag unigolion ac rwy’n falch o gymryd y camau hyn i gefnogi ffermwyr a chwarae fy rhan i godi rhywfaint ar y baich hwn."