Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Heddiw, mae'r Dirprwy Weinidog Amaethyddiaeth, Bwyd a Physgodfeydd, Alun Davies, wedi talu teyrnged i gyfraniad y diwydiant cig coch at economi Cymru.
Yng nghynhadledd flynyddol Hybu Cig Cymru (HCC), dywedodd y Dirprwy Weinidog:
"Mae gyda ni gynhyrchwyr a phroseswyr o safon fyd-eang yma yng Nghymru ac mae'r diwydiant yn gwneud cyfraniad mawr at economi Cymru. Mae mwy na 33,000 o bobl yn gweithio yn y sector cig coch yn unig. Mae prisiau wrth gât y fferm yn werth mwy na hanner biliwn o bunnoedd i'r economi bob blwyddyn, sef 40% o gynnyrch amaethyddol.
"Mae brandiau Cig Oen a Chig Eidion Cymru wedi dod yn fwyfwy poblogaidd ledled y byd. Ddeng mlynedd yn ôl, dim ond mewn ychydig o farchnadoedd Ewrop yr oedd Cig Oen Cymru yn cael ei werthu. Heddiw, mae ar gael nid yn unig ledled y rhan fwyaf o Ewrop, ond hefyd yn y Dwyrain Canol a Phell. Mae ffermwyr wedi gweithio'n galed i dyfu rhagor o gnydau a chynhyrchu darnau o gig sydd â llai o fraster ac sy'n addas i wahanol farchnadoedd ledled y byd. Mae Hybu Cig Cymru wedi gweithio'n galed i ddod o hyd i farchnadoedd newydd a helpu i'w datblygu ac mae wedi llwyddo i wneud hynny. Mae gyda ni lawer i ymfalchïo ynddo, a gallwn ni ymfalchïo yn benodol yn ein bwyd a'n ffermydd.”
Croesawodd y Dirprwy Weinidog hefyd benodiad Panel y Sector Bwyd a Ffermio gan y Gweinidog Busnes, Edwina Hart, a mynegodd ei fod yn gobeithio y bydd Cadeirydd HCC, Dai Davies, sy'n aelod o'r panel, yn sicrhau bod modd rhannu arfer da gyda sectorau eraill yn y diwydiant ffermio. Ychwanegodd:
"Dw i'n croesawu'r panel cynghori newydd, dan gadeiryddiaeth Dr Haydn E Edwards, a fydd yn rhoi cyngor arbenigol i ni ar flaenoriaethau'r gadwyn gyflenwi bwyd a diod, a dw i'n siŵr y bydd Cadeirydd Hybu Cig Cymru, Dai Davies, sy'n aelod o'r panel, yn helpu i sicrhau bod amrywiaeth o wybodaeth arbenigol yn cael ei rhannu.
"Dw i'n benderfynol o annog sectorau eraill diwydiant bwyd Cymru i ddilyn esiampl Hybu Cig Cymru er mwyn gwella'u cynhyrchion a'u cadwyni cyflenwi fel bod modd iddyn nhw fwynhau'r un llwyddiant. Mae'r sector Bwyd a Ffermio yn bwysig i'n heconomi ac yn gwneud cyfraniad mawr i iechyd a lles y wlad. Gyda'n gilydd, dw i'n siŵr y gallwn ni sicrhau dyfodol llwyddiannus i'r diwydiant."
