Gweinidog yn penodi Grŵp Cynghori Strategol newydd ar Fwyd a Diod

Meddai’r Gweinidog:

Bydd y grŵp yn cyfrannu at y gwaith o ddatblygu diwydiant bwyd a diod cryf a chadarn yng Nghymru. Bydd yn cryfhau’r ddolen rhwng polisi a strategaeth yn y llywodraeth ac yn adlewyrchu’r berthynas weithio rhwng Llywodraeth Cynulliad Cymru a’r diwydiant bwyd a diod, er mwyn i ni wynebu sialensau’r dyfodol yn llwyddiannus gyda’n gilydd.

I ddechrau, bydd yr aelodau’n gwasanaethu am gyfnod o dair blynedd fan bellaf. Dyma nhw:

• Dr Nic Lampkin
• Mr Jeremy Percy
• Mr Roger Hughes
• Dr Mark Simkin
• Mr Terrig Morgan
• Mrs Alison Lea-Wilson
• Prof Peter Midmore
• Mr David Lloyd
• Ms Katie Palmer
• Mrs Kate Morgan
• Mr Richard Parry Hughes
• Mrs Jo Hughes
• Dr Shyam Patiar
• Mr Philip Stocker
• Mrs Jennifer Davis
• Mr Huw Rees
• Mr Gwyn Angell Jones
• Bydd Mr Rees Roberts, Cadeirydd Bwrdd Hybu Cig Cymru, yn cynrychioli sector cig coch Cymru.

Bydd y grŵp yn adeiladu ar waith Grŵp Cynghori’r Bartneriaeth Bwyd-Amaeth. Ers 1999, bu grŵp y Bartneriaeth hon yn rhoi arweiniad a chymorth i Awdurdod Datblygu Cymru (WDA) a Llywodraeth Cynulliad Cymru wrth iddyn nhw ddatblygu a rhoi ar waith wasanaethau cymorth ar gyfer ein diwydiant bwyd a diod. Bydd y grŵp cynghori newydd yn goruchwylio’r gwaith o ddatblygu a gweithredu Strategaeth Bwyd a Diod o Gymru, ac yn rhoi cyngor i Lywodraeth y Cynulliad ar gefnogi’r diwydiant bwyd a diod.

Mae grwpiau strategol o’r sectorau llaeth, pysgod a dyframaethu, a garddwriaeth, ynghyd â grŵp o’r Sector Organig a Grŵp Datblygu Masnach, i gyd yn cefnogi gwaith y bartneriaeth. Bydd bwrdd Hybu Cig Cymru (HCC) yn cynrychioli sector cig coch Cymru. Mae yna bedair partneriaeth ranbarthol sydd yn dod ag amryw o gyrff o’r sectorau cyhoeddus a phreifat at ei gilydd. Gan fod y rhain yn darparu’n lleol byddan nhw’n sicrhau bod y gwaith yn gydgysylltiedig a bod y prosiectau’n diwallu anghenion lleol a rhanbarthol.

Er nad yw’r penodiadau i’r Grŵp Cynghori Strategol ar Fwyd a Diod o fewn cylch gwaith y Comisiynydd Penodiadau Cyhoeddus, roedd y broses benodi’n cydnabod mai Cod Ymarfer y Comisiynydd ar gyfer Penodiadau gan Weinidogion i Gyrff Cyhoeddus yw’r arfer gorau i’w ddilyn. Mae Llywodraeth y Cynulliad yn rhoi’r cyllid angenrheidiol ar gyfer gwaith gweinyddol ac ysgrifenyddol y grŵp ac i gynorthwyo’i waith.

12 Rhagfyr 2008

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan