Y diweddaraf am y rhaglen i ddileu TB

Dechreuwyd profi am TB ar ffermydd ar draws Cymru ar 1 Hydref 2008 fel rhan o Archwiliad Iechyd TB Cymru a chytunodd y Cynulliad Cenedlaethol ar bwerau mynediad newydd ar 21 Hydref 2008 i atgyfnerthu’r pwerau oedd eisoes ar gael i fynd i mewn i safle i brofi am TB, ac fel bod modd cynnal y profion ar yr adegau priodol.

Yn ôl y Dr Christianne Glossop, Prif Swyddog Milfeddygol Cymru:

Nod Archwiliad Iechyd TB Cymru yw rhoi dechrau da i Gymru yn yr ymgyrch i ddileu’r afiechyd drwy brofi pob buches a thrwy gyflawni pob prawf hwyr. Mae nifer y buchesi sy’n cael eu profi ym mhob rhan o Gymru bellach yn cynyddu’n sylweddol bob dydd.

Caiff y gyfres gyntaf o ddata perfformiad ystadegol gan Archwiliad Iechyd TB Cymru ei ryddhau ddechrau Rhagfyr. Rydyn ni’n disgwyl i’r data ddangos ein bod ar y trywydd iawn i gwrdd â’n targedau ar gyfer misoedd cynnar y rhaglen brofi newydd ac ar gyfer cwblhau profion hwyr. Mae canfod buchesi y mae’r profion arnynt yn hwyr a delio â nhw yn effeithiol, yn rhan allweddol o Archwiliad Iechyd TB Cymru.

Mae cynlluniau ar y gweill i gynnal profion ar fuchesi hwyr a dal i fyny â nhw yn gyson, ac mae adnoddau ychwanegol wedi eu darparu i Iechyd Anifeiliaid i wneud hyn. Mae Llywodraeth Cynulliad Cymru wedi dod a thri grŵp o Arolygwyr Milfeddygol at ei gilydd o bob rhan o Gymru ac wedi ffurfio tri Bwrdd y Rhaglen Dileu TB rhanbarthol i weithredu camau Archwiliad Iechyd TB Cymru yn lleol.

4 Tachwedd 2008

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan