Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Bob blwyddyn, mae miloedd o deuluoedd o bob cwr o Gymru yn rhan o ddigwyddiad darllen mwyaf y DU a gynhelir mewn llyfrgelloedd ar gyfer plant, sef Sialens Ddarllen yr Haf. Y bwriad yw sicrhau bod plant yn darllen chwe llyfr o’u llyfrgell yn ystod gwyliau’r haf.
Mae’r sialens yn rhad ac am ddim. Bydd pob plentyn yn cael cerdyn neu becyn aelodaeth, a bydd modd iddynt gasglu sticeri wrth iddynt ddarllen y llyfrau a bydd pecyn gweithgaredd iddynt ei gwblhau. Hefyd, mae gan y mwyafrif o lyfrgelloedd ffyrdd eraill o ysgogi plant er mwyn gwneud y profiad yn un hwylus iddynt. I ymaelodi, mae angen i deuluoedd ymweld â’r llyfrgell leol ar ddechrau gwyliau’r haf.
Thema’r sialens eleni yw Gemau Llundain 2012, ac fe’i gelwir yn StoryLab. Mae wedi’i deilwra ar gyfer plant rhwng 4 ac 11 oed, ar draws yr ystod oed darllen. Gallant ddarllen unrhyw lyfr: llyfrau ffeithiol, straeon, llyfrau jôcs, llyfrau llun. Gallant hefyd ddarllen llyfrau clywedol ac e-lyfrau cyhyd ag y bônt wedi’u benthyg o’r llyfrgell.
Yn ogystal, cynhelir nifer o ddigwyddiadau arbennig yn y llyfrgelloedd yn ystod y gwyliau fel modd o ddathlu Gemau Llundain 2012. Mae’n gyfle perffaith i rieni sydd heb ymaelodi hyd yma - gall unrhyw un ymaelodi â llyfrgell ac mae’n rhad ac am ddim.
Dywedodd Huw Lewis:
"Mae Sialens Ddarllen yr Haf yn ffordd arbennig i annog plant i ddarllen. Mae’n braf gweld pob un o’r gwasanaethau llyfrgell yn cymryd rhan yn y digwyddiad gan sicrhau bod plant yn gallu bod yn rhan o’r digwyddiad ledled Cymru.
"I blant, mae darllen yn ddiddordeb sy’n talu ar ei ganfed ac mae’n hanfodol i’w datblygiad. Mae e’n datblygu eu sgiliau llythrennedd ond hefyd yn rhoi hwb i’w gwybodaeth ac yn anad dim mae’n tanio eu dychymyg. Os bydd y tywydd gwlyb yn parhau dros gyfnod gwyliau’r haf, a’r plant yn methu mynd allan, bydd hwn yn ffordd arbennig o’u diddanu!"
