Llywodraeth Cymru | Y Gweinidog Tai, Adfywio a Threftadaeth yn ymweld ag Eisteddfod Llangollen

Hafan > Newyddion > Diwylliant a chwaraeon > 2012 > Y Gweinidog Tai, Adfywio a Threftadaeth yn ymweld ag Eisteddfod Llangollen

Newyddion

Cofrestrwch ar gyfer y canlynol: Cylchlythyr | Newyddion

Y Gweinidog Tai, Adfywio a Threftadaeth yn ymweld ag Eisteddfod Llangollen

Heddiw, aeth Huw Lewis y Gweinidog Tai, Adfywio a Threftadaeth ar ymweliad ag Eisteddfod Ryngwladol Llangollen, ble y gwyliodd y cystadlaethau Canu a Dawnsio, a chyfarfod â rhai o’r gwirfoddolwyr a wnaeth yr Eisteddfod yn bosibl.

Dydd Gwener 06 Gorffennaf 2012

Aeth y Gweinidog ar daith o amgylch safle’r Eisteddfod, gan gynnwys ymweliadau â’r Pafiliwn Rhyngwladol, sydd wedi derbyn £1 miliwn gan Lywodraeth Cymru yn 2009 i’w adnewyddu, a’r llwyfannau i wylio’r grwpiau gwerin o bob cwr o’r byd yn perfformio yn y caeau o amgylch.

Meddai’r Gweinidog,

“Mae Eisteddfod Ryngwladol Llangollen yn enghraifft wych o gynwysoldeb ac aml-ddiwylliant, gyda chynifer o wahanol genhedloedd yn cymysgu yn eu gwisgoedd traddodiadol a chynifer o ieithoedd yn cael eu siarad o amgylch y cae.

“Mae hefyd yn gyfle gwych inni groesawu’r byd i Gymru ac inni hyrwyddo delwedd mor bositif o Gymru ar y llwyfan rhyngwladol. Mae’n gwneud cyfraniad sylweddol i’r economi leol, ac rwy’n falch iawn o fod yma.”