Dyddiad cau ar ein gwarthaf ar gyfer cyllid o £500,000 ar cyfer cynllun STEM

Mae cynllun yr Academi Wyddoniaeth Genedlaethol yn cynnig cymorth ariannol dewisol ar gyfer gwaith ymgysylltu a gweithgareddau STEM. Mae’r cynllun yn targedu gweithgareddau at ddisgyblion ysgol o’r cyfnod sylfaen hyd at 14 i 19 oed, yn ogystal â sefydliadau addysg bellach ac uwch.

Mae Prif Gynghorydd Gwyddonol Cymru, yr Athro John Harries, yn annog ceisiadau cyn dyddiad cau 24 Awst.

Dywedodd yr Athro Harries:

"Mae’n hanfodol ein bod yn annog twf gwyddoniaeth, technoleg, peirianneg a mathemateg yng Nghymru. Mae’n rhaid i ni ehangu a chyfoethogi’n sylfaen sgiliau os ydym am adfywio’r economi yn yr hirdymor. Mae angen i ni wneud STEM yn fwy effeithiol ledled Cymru sy’n hanfodol i les economaidd y wlad."

Mae gweithgareddau’n cynnwys gweithdai, heriau, clybiau gwyddoniaeth ar ôl ysgol, cyfleoedd datblygu staff, darlithoedd cyhoeddus a dadleuon ar draws y sectorau preifat a chyhoeddus.

Mae darparwyr STEM yn cynnwys cymdeithasau STEM, cyrff proffesiynol y DU â chynrychiolaeth yng Nghymru, cymdeithasau dysgedig, sefydliadau addysg bellach ac uwch, darparwyr hyfforddiant a chwmnïau gyrfaoedd.

Lansiwyd yr Academi Wyddoniaeth Genedlaethol gan Lywodraeth Cymru yn 2010 fel cynghrair gydweithredol o sefydliadau â buddiannau STEM.

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan