Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Dechreuodd y Dirprwy Weinidog ei daith yn siop gigydd WJ George a’i Fab sy’n cael ei rhedeg gan Brian George, ei wraig a’i fab hynaf. Mae’r busnes teuluol hwn wedi ennill nifer o wobrau am ei gynnyrch ac mae’n arbenigo mewn cig eidion, cig oen a phorc o anifeiliaid o ffermydd lleol sydd wedi’u lladd yn lladd-dy’r busnes.
Yna, aeth ymlaen i Felin Talgarth i weld sut mae’r Prosiect Cymunedau Carbon Isel, a ariannwyd gan y Cynllun Datblygu Gwledig, wedi galluogi’r cwmni i ddatblygu prosiect ynni adnewyddadwy cymunedol fel rhan o strategaeth gynaliadwy i’r pentref. Ar ôl cael arian gan gronfa’r Loteri Fawr i adnewyddu’r felin, i adeiladu siop fara a chaffi a’i ddefnyddio fel canolfan adfywio, ymddangosodd y felin ar raglen Village SOS y BBC.
Mae’r caffi a’r siop fara’n cynhyrchu ac yn gwerthu bwyd a diod lleol tymhorol, gan gynnwys cig o siop Brian George, Caws Mynydd Du sy’n cael ei wneud o laeth defaid Lodge Farm yn Nhalgarth a siytni a jamiau Black Mountain Preserves sy’n defnyddio ffrwythau lleol.
Yn olaf, bu’n ymweld â Microfragdy traddodiadol Rotters yng Ngwesty’r Towers, sy’n defnyddio cynhwysion naturiol i fragu cwrw chwerw, cwrw du a chwrw golau. Mae modd trefnu teithiau o amgylch y bragdy hefyd.
Dywedodd y Dirprwy Weinidog:
"Mae Talgarth wedi creu cryn argraff arnaf ac mae’n wych bod cymaint o gynhyrchwyr lleol yn cydweithio i sicrhau bod digon o fwyd lleol o ansawdd da bob amser ar gael i’r gymuned leol. Mae ymwelwyr â’r dref yn dewis dychwelyd dro ar ôl tro hefyd gan fod gan y dref gymaint i’w gynnig.
"Mae gennym gynhyrchwyr bwyd rhagorol yng Nghymru ac mae siopwyr yn fwy a mwy awyddus i brynu bwydydd lleol. Felly, mae cydweithio i sicrhau bod bwydydd o’r math hwn ar gael i bawb a sicrhau ei fod yn hawdd i’w adnabod yn gwneud synnwyr busnes perffaith. Mae’n galonogol iawn ei fod yn gweithio cystal yn Nhalgarth."
