Ysgrifenedig - Treillio am Gregyn Bylchog ym Mae Ceredigion

Ym mis Chwefror eleni, yn sgil pryderon cynyddol am dreillio am gregyn bylchog ym Mae Ceredigion, gwnes ddatganiad yn esbonio fy mod wedi gofyn i fy swyddogion weithio gyda Chyngor Cefn Gwlad Cymru, Ffederasiwn Cymdeithasau Pysgotwyr Cymru a rheolwyr pysgodfeydd eraill i adolygu’r trefniadau rheoli presennol ar gyfer y bysgodfa cregyn bylchog. Mae canfyddiadau’r Grŵp bellach wedi eu cyflwyno imi a bydd fy swyddogion yn awr yn cwrdd â’r rhanddeiliaid ym mis Gorffennaf i ymgynghori yn anffurfiol cyn cyhoeddi ymgynghoriad ffurfiol dros yr Haf ynghylch pecyn o fesurau a fydd, gobeithio, yn barod erbyn y tymor nesaf. Byddant hefyd yn ymgynghori ar drefniadau rheoli’r bysgodfa cregyn bylchog yn y tymor hwy.

Rwy’n dymuno gweld pysgota cregyn bylchog yn cael ei symud ymlaen mewn modd a fydd yn hyrwyddo pysgodfeydd cynaliadwy yng Nghymru.