Ieithoedd Tramor Modern yng Nghyfnod Allweddol 2

Ar 15 Rhagfyr cyhoeddodd Llywodraeth y Cynulliad gylchlythyr (Cylchlythyr Cynulliad Cenedlaethol Cymru 41/02) yn gwahodd cynigion gan glystyrau cynradd-uwchradd neu awdurdodau addysg lleol (AALl) i redeg prosiectau peilot o ddysgu iaith dramor fodern yng Nghyfnod Allwedddol 2 (oedran 7-11).

Pwrpas y fenter hon yw datblygu profiad yng Nghymru o sut y gall dysgu ac addysgu iaith dramor ategu a chyfoethogi’r cwricwlwm statudol yng Nghyfnod Allweddol 2 a bod o fudd i’r disgyblion pan fyddant yn symud ymlaen at Gyfnod Allweddol 3.

Derbyniwyd cynigion i fod yn rhan o’r fenter gan 34 clwstwr ar draws Cymru.  Cafodd y cynigion eu hystyried a’u hasesu ar eu rhinweddau gan Bwyllgor Llywio’r fenter, sy’n cynnwys cynrychiolwyr o Lywodraeth y Cynulliad, ACCAC, Estyn, CILT Cymru  ac ymgynghorwyr AALl.  Cyngor y Pwyllgor Llywio oedd y dylid dethol 21 o’r 34 clwstwr ac yr wyf wedi derbyn y cyngor.

Mae’r 21 clwstwr a ddetholwyd yn cynnwys 96 ysgol gynradd.  Bydd y clystyrau yn cymryd rhan yn y fenter am 3 blwyddyn ysgol, o Fedi 2003 tan Gorffennaf 2006.  Bydd cefnogaeth, canllawiau ac offer gwerthuso ar gael i’r ysgolion sy’n rhan o’r cynllun o du CILT Cymru, ein prif bartner yn y gwaith o weithredu ein Strategaeth Ieithoedd Tramor Modern.  Bydd hawl gan glystyrau hefyd i dderbyn grantiau prosiect gan CILT Cymru o hyd at £2,000 am bob ysgol gynradd.    

Dengys y tabl isod y 21 clwstwr a ddetholwyd.            

PROSIECTAU PEILOT IEITHOEDD TRAMOR MODERN YNG NHGYFNOD ALLWEDDOL 2

Clystyrau a ddetholwyd i gymryd rhan o Fedi 2003